2009年6月15日 星期一

千億真偽有誰知

千億爭產案,雙方的筆跡專家終於登場,肥通手持的遺囑,被對方專家提出九處 問題所在,指稱好有可能是偽造。

波蘿游唔係專家,唔識鑑證筆跡。但既然專家係對頭人,梗係話對方係偽造啦。就算係我即時簽兩個名,都一定有N個不同。立場既定,再加上顯微鏡幫助,要找出N個不同,真係比小學生的「看圖找不同」更加容易。

我雖然唔識鑑證,但從博奕論(
game theory)分析,我好相信遺囑上面的三個簽名同埋印章,都係真既。首先肥通已經有成廿億身家,絕對是富豪級數,可以嘆足兩世無憂。千億雖然吸引,但如果要造假簽名,一旦事敗,就要放棄鮑參翅肚,改食皇家飯,代價實在太大,我認為搏唔過。而且要冒簽三個唔同簽名,加上有D簽名相當複雜,好難偽冒,難度實在太高。

而且兩個簽名證人仲在生,要校對簽名,一定會找當事人對質。除非已經收買兩人,否則對方一定當場踢爆。但觀乎兩人在庭上表現,都冇偏幫肥通,而且仲有多少敵意。肥通要冒佢兩個簽名,多多都唔夠死。以此分析,要冒簽的機會更低。

而最頂癮既就係個倒轉既印章。法律上來講,根本就唔駛要印章,遺囑一樣有效。要冒簽就唔會加個印章,多個印章變成多個香爐多隻鬼,製造更多破綻。而且如果係冒簽文件,蓋印章一定小心,斷唔會倒轉左。相信是該律師過於忙,忙中有錯,將個蓋印倒轉左。以肥通的財力物力,一定會搵到(或者買到)該律師於同期蓋印的其他文件,兩個蓋印在顯微鏡下比對,如果有相同位置的磨損,就更加確認遺囑簽名真偽。

但係,就算簽名珍珠冇咁真,是否富婆的真正意願,將自己及愛人的畢生努力奉上。俗語有云,冤豬頭碰著個蒙鼻菩薩,富婆喜歡的話,以佢獨斷獨行的個性,就算臨尾給大家一個surprise,show大家hand,天要下雨,娘要嫁人,吹皺一池春水,干卿底事(其實千億慈善基金,,都算係涉及重大公眾利益)。

但咁樣做法,對咁迷信既富婆來講,會諗到泉下同老公相會,點樣可以同老公交待。還係張野真係風水遺囑,富婆諗住會化為灰燼,但後來又病到唔記得左件事。當前情況,可以話係:

周公恐懼流言日 王莽謙恭下士時

既然富婆身先死 千億真偽有誰知








4 則留言:

david kong 提到...

假設法官信肥通張遺囑是偽造,都不能憑此而判肥通入赤柱,這就是民事和刑事的分別。

如果要玩 game theory,庭外和解機會較高,幾名屋邨醫生,做乜搏到咁盡,費事萬一啦。

估計肥通亦有此念頭。

Clay 提到...

波老闆,我就覺得哨牙通恨錢發燒,走火入魔。你都話佢廿億身家,雖然千億係好多,但為左爭,已經成個人人格破產,同李公子一樣做左過街老鼠。講真,拎住廿億同千億,生活都咁上下。打完呢場官司,無論勝負,佢如果想入上流社會,晉身名流,恐怕此生無望。

若虛亦有文評,可到敝境一看。

波蘿游 提到...

David Kong

一旦證明遺囑是偽造,警方就要做野告肥通,就變成刑事案件了。屋邨醫生一直都算小康生活,而且都七十歲果頭近,眼見姐姐千億身家亦活在痛苦中,個人未必會為千億而爭,而且D錢都會納入慈善基金。但佢地非常唔順肥通,要佢一蚊都分唔到,咪去到咁盡,唔肯同肥通分賬。反正,律師費由基金出,醫生梗係去到盡



若虛

肥通肯定恨錢恨到發晒狂,其實單靠廿億,已經入上流社會,今次抓爛塊面,就算有千億亦無法抬頭見人

陳冠宇 提到...

免費視頻
真人視頻
視頻網站
真人視頻
比照聊天室
同城聊天室視頻聊
不收費的同城聊天室
主播
9158聊天室
美女視訊下載
韓國女主播聊天室
美女主播
女主播聊天室
康福聊天室
康福視頻真人聊天室
現在還有什麼聊天室
視訊美女聊天
台灣美女視訊
美女視頻
MFC視訊美女
好聊
誘惑頻道
視訊聊天室破解版
韓國視訊
視訊主播
視訊聊天網站
本土視訊聊天室
聊天室
韓國winktv視訊主播
韓國winktv視訊
韓國視訊主播
韓國視訊種子
韓國視訊聊天視頻
韓國視訊網
視訊主播排行榜
韓國視訊主播排行榜
韓國視訊主播夏娃
免費一對一視訊聊天
一對一聊天室
國外視訊聊天網站
日本視訊聊天
韓國視訊聊天網站
秀女聊天室
在線聊天室熱舞
視頻表演聊天室
台灣視訊女神
台灣視訊UT
台灣視訊網站
台灣視訊聊天室破解
視訊電視